Վարակի աճման տեմպերի առումով հունիսը մեզ համար մտահոգիչ էր․ Շիրակի մարզպետ (տեսանյութ)

Շիրակի մարզում այս պահին կա 490 վարակակիր, նրանցից 200-ը բուժվել են, ինքնամեկուսացված է մոտ 700 անձ։ Արձանագրվել է մահվան 10 դեպք։ Այս մասին ԱԺ-ում լրագրողներին հայտնեց Շիրակի մարզպետ Տիգրան Պետրոսյանը։

Նրա փոխանցմամբ՝ Գյումրու ինֆեկցիոնում բուժում է ստանում 70 անձ, նրանցից 46-ը Շիրակի մարզից են, հիվանդանոցում կան ազատ մահճակալներ՝ արագ արձագանքման համար։

Ըստ Պետրոսյանի՝ Շիրակի մարզում կան ռեսուրսներ, որոնք կարող են ուղղվել համավարակի դեմ պայքարի համար։

Սոցիլական առումով խոցելիությունը ավելացել է,- նշեց մարզպետը, հավելելով, որ իրենց առջև ծառացած ամենամեծ խնդիրները աշխատանքից զրկված մարդկանց հարցերն են։

 «Ա1+»-ի հարցին ի պատասխան մարզպետը նշեց, որ վարակի աճման տեմպերի առումով հունիսը մարզի համար մտահոգիչ է։

Գյումրու երկու արտադրական ձեռնարկություններում հաստատվել է վարակման դեպքեր,-հայտնեց նա՝ հավելելով, որ աշխատում են տարածման տեպը կանխելու ուղղությամբ։