Կորոնավիրուսով վարակված մարդիկ մյուս հիվանդների հետ միասին մտնում են նույն մուտքով (տեսանյութ)
Աջակցիր «Ա1+»-ինԿորոնավիրուսով վարակման ռիսկը պոլիկլինիկաների հերթերում բավական մեծ է՝ անկախ հակահամաճարակային կանոնների պահպանումից։ Պոլիկլինիկաները հիմնականում ունեն մեկ մուտք և կորոնավիրուսով վարակված մարդիկ մյուս հիվանդների հետ միասին մտնում են նույն մուտքով։
«Բացի մասնագետներ ապահովելուց և վերապատրաստելուց կան շենքային պայմանների խնդիրներ։ Էլեկտրոնային առողջապահական համակարգը պետք է կարողանար օգնել առցանց հերթագրումների, ուղեգրումների հարցով։ Դա այն բանալիներից մեկն է, որ կտա էֆֆեկտիվ լուծում»,-ասում է «Իրավունքի զարգացման կենտրոն» ՀԿ֊ի նախագահ Վիոլետ Զոփունյանը «Մեդիակենտրոնի» տեսաքննարկման ժամանակ։
ԱԺ առողջապահության և սոցիալական հարցերի մշտական հանձնաժողովի փորձագետ Դավիթ Մելիք-Նուբարյանը կարծում է, որ տարբեր ոլորտների համար տարբեր որոշումներ պետք է լինեին. «Չի կարող գործել նույն կանոնը գործել և՛ ավտոբուսներում, և՛ առևտրի կենտրոններում և՛ վարսավիրանոցներում»։
Հանձնաժողովի աշխատանքային թիմը առաջարկել է մշակել բոլոր ոլորտներին հատուկ սանիտարական կանոներ և հաստատել դրանք բոլոր արտակարգ դրությունների և դրա ավարտից հետո էլ կիրառելու համար։
Մանրամասները՝ տեսանյութում
