A
A
Ալիևը Մինսկի խմբի համանախագահներին ասել է, որ նրանց Բաքու չի հրավիրել
Աջակցիր «Ա1+»-ինԱդրբեջանի նախագահ Իլհամ Ալիևը ասել է ԵԱՀԿ Մինսկի խմբի համանախագահներին, որ նրանց չի հրավիրել Բաքու, գրում է РИА Новости-ն:
Հիշեցնենք, որ ԵԱՀԿ Մինսկի խմբի համանախագահները տարածաշրջանային այցի շրջանակում դեկտեմբերի 12-ին ժամանել են Բաքու: Ալիեւը հայտարարել է, թե այցը նրանց նախաձեռնությունն է եղել:
«Այստեղ գալը եղել է ձեր գաղափարը: Ես Մինսկի խմբին այցով չեմ հրավիրել, բայց երբ ինձ տեղեկացրեցին, որ Մինսկի խումբը ցանկանում է գալ, ես դեմ չէի: Միգուցե նրանք ունեն ինձ ասելու բան: Եթե ցանկանում եք ասել տեսախցիկների առաջ, ապա ասեք: Եթե ոչ, ապա ես կխնդրեմ նրանց գնալ: Լսում եմ ձեզ»,-նշել է Ալիևը:
