Վարչապետ Ն․Փաշինյանի առաջին  կանգառը Սյունիքի մարզի Սառնակունք գյուղում է։ Նա հանդիպել է բնակիչներին, պատասխանել նրանց հարցերին, պարզաբանել այն ամենը, ինչ կատարվում է այս պահին այնտեղ։

 Նրա խոսքով՝ այնպես է ստացվել, որ մենք Հայաստանի և Խորհրդային Ադրբեջանի սահմանի երկայնքով ենք աշխատում և այնպես է ստացվել, որ այդ ճանապարհը սահմանի պռնկով է անցնում․ «Հիմա մեր սահմանապահներն են տեղակայվում այնտեղ, նաև ճանապարհը ռուս սահմանապահներն են պարեկելու՝ ապահովելու են, որ ճանապարհն անցանելի և անվտանգ լինի»,-ասաց նա։

Փաշինյանը նշում է, որ այս պահին ամենակարևորն այն է, որ ամե դեպքից խուճապի չմատնվենք և իրավիճակը կայունացնենք․ «Այս ամեն ինչն արվում է նրա համար, որպեսզի անվտանգություն ապահովվի, որպեսզի նոր կոնֆլիկտ չբորբոքվի էտ ամեն ինչի շուրջ»,- ասաց նա։