Էդուարդ Սպերցյանը առաջին մարզումն անցկացրեց Հայաստանի հավաքականում (տեսանյութ)

Ֆուտբոլի աշխարհի 2022 թ. առաջնության որակավորման J խմբի 2-րդ տուրի Հայաստան - Իսլանդիա խաղին ընդառաջ մեր ազգային թիմն այսօր Վազգեն Սարգսյանի անվան «Հանրապետական» մարզադաշտում անցկացրել է նախախաղային մարզում: Այդ մասին տեղեկացնում է Հայաստանի ֆուտբոլի ֆեդերացիայի պաշտոնական կայքը:

Լիխտենշտեյն մեկնած ֆուտբոլիստներին այսօր միացել է և մարզմանը մասնակցել թիմի նորեկ Էդուարդ Սպերցյանը: Վաղվա հանդիպմանը չի մասնակցի Գևորգ Ղազարյանը: Թիմի հայտացուցակը հայտնի կդառնա մարտի 28-ի առավոտյան: