Վերականգնվում է Բնունիսի Սբ. Աստվածածին եկեղեցին
Աջակցիր «Ա1+»-ինՀՀ Սյունիքի մարզի Բնունիսի Սբ. Աստվածածին եկեղեցու վերականգնման և տարածքի մասնակի բարեկարգման աշխատանքները կավարտվեն տարեվերջին:
2020 թ. մեկնարկել են ՀՀ Սյունիքի մարզի Բնունիս համայնքի վարչական տարածքում գտնվող 19-րդ դ. թվագրվող Սբ. Աստվածածին եկեղեցու (հանրապետական նշանակության հուշարձան) շինարարական աշխատանքները:
Եկեղեցու նախագծանախահաշվային փաստաթղթերի մշակումը 2016 թ. իրականացվել է 83-ամյա բարերար Ռոզա Մինասյանի ֆինանսական աջակցությամբ, իսկ վերականգնման և տարածքի մասնակի բարեկարգման աշխատանքներն իրականացվում են ՀՀ պետական բյուջեի միջոցներով:
Սբ. Աստվածածին եկեղեցու վերականգնման աշխատանքների ընթացքը, դրանց հետ կապված խնդիրները մշտապես ԿԳՄՍ նախարարության ուշադրության կենտրոնում են: Աշխատանքներն իրականացվում են լիազորված մարմնի, հեղինակային և տեխնիկական հսկողությամբ և ընթացիկ տարում կհասցվեն ավարտին:
ՀՀ ԿԳՄՍ ՆԱԽԱՐԱՐՈՒԹՅԱՆ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆ
