«Հայոց արծիվներ»-ը ջանք չեն խնայելու Արցախը շենացնելու գործին աջակցելու համար
Աջակցիր «Ա1+»-ինԱրցախի Հանրապետության նախագահ Արայիկ Հարությունյանը հոկտեմբերի 6-ին ընդունել է «Հայոց արծիվներ» կամավորական ջոկատի անդամներին՝ հրամանատար Խաչիկ Ասրյանի գլխավորությամբ։ Այս մասին հայտնում են Արցախի նախագահի աշխատակազմից։
Նախագահ Հարությունյանը բարձր է գնահատել «Հայոց արծիվներ»-ի կողմից տարիներ շարունակ իրականացվող գործունեությունը երիտասարդ սերնդի շրջանում ռազմահայրենասիրական ոգու դաստիարակման ուղղությամբ և երախտագիտություն հայտնել ազգի համար ծանր շրջափուլում հայրենիքին նեցուկ լինելու համար։
Խաչիկ Ասրյանը շնորհակալություն է հայտնել ԱՀ նախագահին ջերմ ընդունելության համար և վստահեցրել, որ «Հայոց արծիվներ»-ը ջանք չեն խնայելու Արցախի շուրջ հայությանը համախմբելու գաղափարի իրականացման և Արցախը կառուցելու ու շենացնելու գործին աջակցելու համար։ Քննարկվել են հետպատերազմյան շրջանում առկա սոցիալ-տնտեսական խնդիրները, ինչպես նաև անվտանգային մարտահրավերներն ու դրանց հաղթահարման ուղիները։
