A
A
Երևանում այսօր կմեկնարկի բռնցքամարտի միջազգային մրցաշար
Աջակցիր «Ա1+»-ինԵրևանի «Դինամո» մարզադահլիճում այսօր կմեկնարկի թիմային ձևաչափով բռնցքամարտի միջազգային մրցաշար: Այդ մասին տեղեկացնում է Հայաստանի բռնցքամարտի ֆեդերացիայի մամուլի ծառայությունը:
Մրցաշարին կմասնակցեն Հայաստանի, Իրանի, Ուկրաինայի և Վրաստանի հավաքականները, ընդ որում Հայաստանն ու Ուկրաինան ներկայացված կլինեն երկուական թիմով:
Բռնցքամարտիկները կմրցեն բոլոր 13 քաշային կարգերում: Ռինգ դուրս կգան նաև գեղեցիկ սեռի ներկայացուցիչները: Հայաստանի հավաքականի մարզչական կազմն իրենց ուժերը փորձելու հնարավորություն կտա հավաքականի առաջին և երկրորդ համարներին:
Մրցաշարը կտևի չորս օր և կավարտվի դեկտեմբերի 19-ին:
