A
A
«Ալաշկերտը» ամեն օր նոր ֆուտբոլիստ է ձեռք բերում
Աջակցիր «Ա1+»-ինՀայաստանի ֆուտբոլի չեմպիոն «Ալաշկերտը» վերջին երեք օրվա ընթացքում պայմանագիր է կնքել երեք նոր ֆուտբոլիստների։
Ինչպես տեղեկացնում է ակումբի մամուլի ծառայությունը, հունվարի 25-ին թիմին միացել է ռուս կենտրոնական պաշտպան Դմիտրի Գուզը։ Հաջորդ օրը ակումբը պայմանագիր է կնքել հարձակողական ոճի կիսապաշտպան Մանվել Ահարոնյանի հետ։ Այսօր «Ալաշկերտի» ֆուտբոլիստ է դարձել ղազախստանցի հարձակվող Ալեքսեյ Ռոդիոնովը։
Հայաստանի չեմպիոն այժմ ուսումնամարզական հավաք է անցկացնում Ավանի ֆուտբոլի ակադեմիայում։ Հունվարի 30-ին «Ալաշկերտը» ընկերական խաղ է անցկացնելու «Վանի» հետ։
