"Սասնա Ծռեր" ապստամբ խմբավորումը հրամանատար չի ունեցել և չէր կարող ունենալ, քանի որ ապստամբներն ունեին հրամանատար։

Ապստամբների հրամանատարը Ժիրայր Սեֆիլյանն էր, որն ապստամբության ժամանակ ապօրինի և անհիմն մեղադրանքով գտնվում էր բանտում։

Այդ պատճառով ստեղծվել էր ղեկավարող խորհուրդ, որն ընթացքում կոչվեց շտաբ։

 

Հետագայում շտաբի անդամներից մեկը նեղ շրջանակներում ու մասնավոր խոսակցությունների ժամանակ մի քանի անգամ փորձել է իրեն ներկայացնել որպես հրամանատար, սակայն, հանդիպելով ապստամբների և այլ իրազեկ մարդկանց տարակուսանքին ու մերժմանը, նահանջել է։

 

Երեկ այդ նույն անձն արդեն հրապարակավ է իրեն հռչակել որպես "Սասնա Ծռեր" խմբավորման հրամանատար։ Ուստի ստիպված ենք հրապարակավ հերքել նրա անհիմն հայտարարությունը։

 

Համոզված ենք, որ անձնական դրդապատճառներով ազգային-ազատագրական պայքարի դեմ դուրս եկած և իր հրամանատարին ու ընկերներին ուրացած ինքնակոչը շուտով ստիպված է լինելու ամբողջ ժողովրդի աչքի առաջ առերեսվել ճշմարտության հետ։

 

"Սասնա Ծռեր" նախկին խմբավորման շտաբի անդամներ՝

Մխիթար Ավետիսյան

Վարուժան Ավետիսյան

Թորոս Թորոսյան

Արմեն Լամբարյան