Աշակերտները 1 մլն դրամից ավելի գիրք են վաճառել
Աջակցիր «Ա1+»-ին«Քվանտ» վարժարանի աշակերտներն այսօր 1 միլիոն 100 հազար դրամի գիրք են վաճառել, որոնք պատրաստել են իրենց ձեռքով։ 1-4-րդ դասարանցիներից յուրաքանչյուրն ինքն է ընտրել թեման ու գրել գրքի բովանդակությունը։
250-ից ավելի գրքի վաճառքից գոյացած հասույթն ամբողջությամբ փոխանցվելու է Շենգավիթ վարչական շրջանի՝ արցախյան պատերազմում զոհված մարտիկների ընտանիքներին։
Ըստ դպրոցի տնօրինության՝ սա հայրենասիրության յուրօրինակ դրսեւորում է։
Վաճառքն ուղեկցվել է ցերեկույթով, որին ներկա էին դպրոցի աշակերտները, ծնողները, ուսուցչական կազմը, Շենգավիթ վարչական շրջանի թաղապետարանի ներկայացուցիչներ։ Միջոցառման հատուկ հյուր էր Հայր Զաքարիան, ով Աստվածաշնչի մասին պատմություններ պատմեց աշակերտներին։
Նմանատիպ միջոցառում «Քվանտ» վարժարանում կազմակերպվում է ամեն տարի ՝ ամեն անգամ հավաքված հասույթն ուղղելով մի նպատակի։
