«Արարատ-Արմենիան» ուժեղ է «Նոայից»

Ֆուտբոլի Հայաստանի Պրեմիեր Լիգայի 23-րդ տուրի մեկնարկային խաղում «Արարատ-Արմենիան» հյուրընկալվելիս վստահ հաղթեց «Նոային»։

Արմավիրում կայացած խաղի հաշիվը 42-րդ րոպեին հյուրերին առաջ մղեց Խոնաթան Դուարտեն։ Երկրորդ կեսի 58-րդ րոպեին Մաիլսոն Լիման կրկնապատկեց հաշիվը, իսկ 75-ին Զաքարիա Սանոգոն եռապատկեց այն։

«Արարատ-Արմենիան» այս հաղթանակից հետո վաստակեց  53 միավոր և կրկին ամրապնդվեց առաջին տեղում։ Թիմն այժմ իրենց հետապնդող «Փյունիկին» գերազանցում է 6 միավորով։

«Նոան», որն անհաջող է հանդես գալիս առաջնության գարնանային հատվածում, երրորդ պարտությունը կրեց այս տարում և վաստակած 24 միավորով շարունակում է մնալ 5-րդ հորիզոնականում։

Վաղը կկայանա մեկ հանդիպում։ Առաջնության նորեկ «Նորավանքը» սեփական հարկի տակ կընդունի մրցաշարի հնաբնակ «Արարատին»։