Բացել լրահոսը Փակել լրահոսը
A A
Քաղաքականություն Պաշտոնական

Հայաստան հիմնադրամը՝ ծախսած գումարների մասին․ քննիչ հանձնաժողովի նիստը․ ՈՒՂԻՂ (տեսանյութ)

«Հայաստան համահայկական հիմնադրամի» ծախսած գումարների քննիչ հանձնաժողովի այսօրվա նիստին մի շարք հարցերի պարզաբանումներ տալու նպատակով ԱԺ-ում է ՀՀ ֆինանսների նախարար Տիգրան Խաչատրյանը և ֆինանսների նախարարության իրավաբանական վարչության պետը։

Քննիչ հանձնաժողովը ղեկավարող Արծվիկ Մինասյանն ասաց, որ նախարարին հիմնական հարցադրումը «Հայաստան համահայկական հիմնադրամի» հավաքագրած գումարների փաստաթղթավորված ծախսերի ներկայացնելն է,թե ինչ ծրագրերի վրա է ծախսվել,որոնք են դրանք և ինչպես կարող են տեսնել այդ ծրագրերի արդյունավետությունը և գնահատել։

Ֆինանսների նախարարն իր խոսքում հիշեցրեց,որ ըստ փաստաթղթերի հիմնադրամը ՀՀ Կառավարությանն է փոխանցել 52 միլիարդ 703 միլիոն դրամ։ Տիգրան Խաչատրյանն ասաց, եթե նվիրատուն պարզի, որ իր հատկացրած միջոցները ծախսվել են ոչ նպատակային,ապա կարող է իրավաբանորեն պահանջել, որ նվիրաբերությունը վերացվի, ինչը նախատեսված է պայմանագրով։

Ըստ նախարարի՝ այդ նույն պայմանագրով նախատեսված է, որ Կառավարությունը նվիրատվության վերաբերյալ իր հաշվետվությունները ներկայացնի հիմնադրամին և պարզաբանի, հաստատի, որ ստացված միջոցները ծախսվել են այն ուղղություններին համապատասխան, որոնք կողմերի միջև նախապես պայմանավորված էին։

Ֆինանսների նախարար Տիգրան Խաչատրյանը կետ առ կետ, հանգամանալից ներկայացրեց այն հարցերի պատասխանները, որոնք ներկայացրել էր քննիչ հանձնաժողովը։

 

 

Մանրամասները՝ տեսանյութում