Վաղվա համերգը կղեկավարի 93-ամյա Հովհաննես Չեքիջյանը (տեսանյութ)
Աջակցիր «Ա1+»-ինՀայաստանի ազգային հերոս, 93-ամյա դիրիժոր Հովհաննես Չեքիջյանը մարտի 31-ին կղեկավարի համերգը, որը փետրվարի 4-ին հետաձգվել էր ՝ կորոնավիրուսային համաճարակի պատճառով։
Հայաստանի ազգային ակադեմիական երգչախմբի և Հայաստանի ազգային ֆիլհարմոնիկ նվագախմբի համատեղ համերգը տեղի «Արամ Խաչատրյան» համերգասրահում ։
Կհնչի Ջոակինո Անտոնիո Ռոսինիի Stabat Mater ստեղծագործությունը։ Մենակատարներն են՝ Սոֆյա Սայադյանը՝ սոպրանո, Քրիստինե Սահակյանը՝ մեցցո սոպրանո, Միքայել Գրիգորյանը՝ տենոր, Զոհրաբ Զոհրաբյանը՝ բաս:
Համերգի նախօրեին «Ա1+»-ը զրուցել է Հայաստանի ազգային ակադեմիական երգչախմբի տնօրեն Դավիթ Թերզյանի հետ կոլեկտիվի հետագա ծրագրերի, նաև երգչախմբի կազմավորման 85- ամյակի հոբելյանական միջոցառման մասին։
Տնօրենի խոսքով՝ մայիսի 27-ի փոխարեն հոբելյանական համերգը կկայանա հունիսին, քանի որ այդ օրը «Արամ Խաչատրյան» համերգասրահը զբաղված։
«Մենք, ցավոք չունենք մեր դահլիճը, և շնորհակալ ենք Ֆիլհարմոնիկի տնօրինությանն ու մաեստրո Թոփչյանին, որ մեզ միշտ ընդառաջում են։ Ասեմ նաև, որ ոչ միայն մեր հանդիսատեսն է սպասում Հայաստանի ազգային ակադեմիական երգչախմբի համերգներին, այլև արտերկրից ժամանածները։ Շատ դիրիժորներ ու երաժիշտներ ասում են, որ մեր երգչախումբն ու ֆիլհարմոնիկը գույներ ու հոգի ունեն»,- ասաց նա։
Մանրամասները՝ տեսանյութում
