«Այո, մարդը խոստովանում է, որ ինքը ֆասադային պետությանա տարել էս երկիրը։ Երեք տարվա ընթացքում եղած պետական ինստիտուտների ոչ թե ուժեղացում է տեղի ունեցել, այլ եղածն էլ քանդուքարափ են արել։

Դրա համար էլ պետությունը պարտություն է կրել»․ Մեդիա Կենտրոնում «Ո՞րն է Հայաստանի քաղաքական օրակարգը․ ո՞վ կձակերպի» անվանումը կրող քննարկման ժամանակ ասաց Մարդկային զարգացման միջազգային կենտրոնի նախագահ Թեւան Պողոսյանը։ Նրա գնահատականի համաձայն ՝ այսօր թե՛ Հայաստանը, թե՛ Արցախը պետք է կարողանան կրկին պետականության համար պայքարել։

«Նոյեմբերի 10-ից հետո մեկ անգամ չի, որ ասել եմ՝ Հայաստանը դարձել է ձախողված պետություն»,-ասաց Պողոսյանը։

Նրա կարծիքով՝ այսօր անհրաժեշտ է ստեղծել ճգնաժամային թիմ, որը բաղկացած կլինի համայն հայությունից։

Պողոսյանը իր վրդովմունքն արտահայտեց ԱԺ-ում տեղի ունեցողի հանդեպ։ Նրա գնահատմամբ Ազգային ժողովը, որպես պետական ինստիտուտ, վեր է ածվել կուսակցական ժողովների։

«Եթե վեր կենար ասեր, խնդրում եմ մեկ րոպե պարեք՝ երևի կպարեին»,- ասաց Պողոսյանը։

Թևանյանը անդրադարձավ նաև վարչապետի առաջադրած այն տեսակետին, ըստ որի միջազգային հանրությունը պահանջում է որպեսզի Արցախի կարգավիճակի հարցում Հայաստանն իջեցնի իր պահանջների նշաձողը»։

«Միջազգային հանրության հեռախոսի համարը կասե՞ք։ Արգենտինայից եկել են ասել են իջացրե՞ք։ Չգիտեմ Ավստրալիայի՞ց են եկել»։

Թևան Պողոսյանը հիշեցրեց, որ Ավստրալիայի մի նահանգ, ինչպես նաև ԱՄՆ շատ նահանգներում Արցախի անկախությունը ճանաչված է»։

«Մարդը ընդամենը հարցրել ա համանախագահներին, համանախագահներն իրան  ասել են՝ դե եթե Ադրբեջանն ընդունի։ Էսօր էլ եկել ա ասել ա պլանկան իջացրա։ Ո՞վ, ու՞մ հետ են հանդիպել համանախագահներից ես վերջերս»,-իր վրդովմունք արտահայտեց Պողոսյանը։

Նա  հիշեցրեց, որ նախկինում օտարերկրյա պաշտոնյաներից մեկն ասել է, որ  տարածքային զիջումներ պետք է արվեն, որից հետո Արցախը անկախություն կստանա։

«Հիմա ո՞ր մի տեսակետը վերցնեմ։ Ես վստահ չեմ, որ Ռուսաստանի արտգործնախարարը կիսումա էտ տեսակետը, որ պլանկա իջացրեք։ Կարողա ընդհանրապես ասի եկեք ոչ մի բան հիմա չքննարկենք, դեռ անվտանգություն ապահովենք։ Եթե Ուորլիքին լսեք ինքը ասելա՝ իջացրե՞ք կարգավիճակը»,-ասաց Թևան Պողոսյանը՝ պնդելով,  թե Փաշինյանի հիշատակած միջազգային հանրությունը մաիպուլյատիվ հայտարարություն է։

«Նշվում է, որ աշխարհակարգը փլուզվում է մեր առջև։ Իսկ փլուզվելու ժամանակ որտեղի՞ց գիտեք, թե որ փլատակի տակ եք մնալու»,- հարցադրում արեց Պողոսյանը։
Կրկին անդրադառնալով Արցախյան խնդրի մասին իշխանությունների հնչեցրած տեսակետին նա հիշեցրեց՝

«Էտ որ ասում էիք,  ես Արցախը չեմ կարող ներկայացնել, որովհետև ես ընդեղից ընտրված չեմ։ Հարցը պետքա լուծվի նաև Արցախի ժողովրդի շահերով։ Բա մի հատ գնայիք հարցում անեյիք, հլը մի հատ տենայիք Արցախի ժողովուրդը ձեզ ասումա գնացեք պլանկա իջացրեք»,-ասաց Թևան Պողոսյանը: