ՀՖՖ-ն «Լեռնային Արցախին» թույլ տվեց խաղալ Պրեմիեր Լիգայում
Աջակցիր «Ա1+»-ինԱյսօր կայացած Հայաստանի ֆուտբոլի ֆեդերացիայի Գործադիր կոմիտեի հերթական նիստում առաջին հերթին քննարկվել է «Լեռնային Արցախ» ՖԱ-ի նամակը, որում ակումբը դիմել է VBET Պրեմիեր Լիգայում հանդես գալու համար:
Ինչպես տեղեկացնում է ՀՖՖ մամուլի ծառայությունը, ակումբը հավաստիացրել է, որ պատրաստ է բավարարել ՀՖՖ Ակումբների արտոնագրման կանոնակարգիՀոդված 17-ի պահանջները, որոնց բացակայության պատճառով ֆեդերացիայի Արտոնագրման կոմիտեն ապրիլի 1-ին մերժել էր ակումբին VBET Հայաստանի Պրեմիեր Լիգայում հանդես գալու արտոնագրի տրամադրումը:
ՀՖՖ Գործկոմի անդամները, մանրամասնորեն քննարկելով «Լեռնային Արցախ» ՖԱ հարցը, որոշեցին թույլատրել «Լեռնային Արցախ» ՖԱ-ին մասնակցել VBET Հայաստանի Պրեմիեր Լիգայի՝ 2022/2023 մրցաշրջանին:
Այդպիսով, 2022/2023 մրցաշրջանին Հայաստանի Պրեմիեր Լիգային կմասնակցեն հետևյալ 10 թիմերը՝ «Փյունիկը», «Արարատ-Արմենիան», «Ալաշկերտը», «Արարատը», «Ուրարտուն», «Նոան», «Վանը», ԲԿՄԱ-ն, «Շիրակը» և «Լեռնային Արցախը»:
Պրեմիեր Լիգայի հերթական մրցաշրջանը կմեկնարկի հուլիսի վերջին և կանցկացվի 4 խաղաշրջանով: