Եվրամիության 40 դիտորդները գալիս են Վրաստանից․ Խորհուրդը որոշում է ընդունել
Աջակցիր «Ա1+»-ինԵՄ Խորհուրդն այսօր որոշում է ընդունել մինչև 40 մոնիտորինգի փորձագետներ տեղակայել Ադրբեջանի հետ միջազգային սահմանի հայկական կողմի երկայնքով՝ տարածաշրջանում իրավիճակի դիտարկման, վերլուծության և զեկուցման նպատակով:
Այս որոշումը հաջորդել է հոկտեմբերի 6-ին նախագահ Ալիևի, վարչապետ Փաշինյանի, Նախագահ Մակրոնի և Նախագահ Միշելի քառակողմ հանդիպմանը և նպատակ ունի նպաստել տարածքում խաղաղության և անվտանգության վերականգնմանը, վստահության ամրապնդմանը և միջազգային սահմանի սահմանազատմանը։
«ԵՄ-ի կողմից դիտորդների տեղակայումը Հայաստանի և Ադրբեջանի միջազգային սահմանի երկայնքով նպատակ կունենա վստահություն ստեղծել անկայուն իրավիճակում, որը վտանգի տակ է դնում կյանքը և վտանգում հակամարտության կարգավորման խաղաղ գործընթացը: Սա ևս մեկ ապացույց է ԵՄ լիակատար հանձնառության՝ Հարավային Կովկասում կայուն խաղաղության հասնելու վերջնական նպատակին նպաստելու համար»,- ասել է ԵՄ արտաքին գործերի և անվտանգության քաղաքականության գերագույն ներկայացուցիչ Խոսեպ Բորելը։
ԵՄ մոնիտորինգի կարողությունների արագ տեղակայումն ապահովելու նպատակով որոշվել է, որ մոնիթորինգի փորձագետները ժամանակավորապես կլինեն Վրաստանում Եվրամիության դիտորդական առաքելությունից (EUMM Georgia):
Միաժամանակ գործառնական քայլեր են ձեռնարկվում, որպեսզի սա չազդի Վրաստանում մոնիտորինգի իրականացման վրա։
Դիտորդական առաքելությունը կունենա ժամանակավոր բնույթ և սկզբունքորեն չի տևի երկու ամսից ավելի։
