Սեիդովին չլսեցին. Լաչինի միջանցքի փակման հարցը կքննարկվի ԵԽԽՎ-ում (տեսանյութ)
Աջակցիր «Ա1+»-ինՆիդերլանդները ներկայացնող քաղաքական գործիչ Թինի Քոքսը վերընտրվեց Եվրոպայի Խորհրդի Խորհրդարանական Վեհաժողովի (ԵԽԽՎ) նախագահ։
Հրապարակվեցին ընտրության արդյունքները:
Երբ աշխատանքային պարտականություններին անցնելուց հետո նորընտիր նախագահը հայտնեց, որ Լաչինի փակման հետեւանքով հումանիտար ճգնաժամի հետեւանքները պետք է քննարկվեն ԵԽԽՎ-ում որպես ընթացիկ հարց, ադրբեջանական պատվիրակության ղեկավար Սամադ Սեիդովը ձայն խնդրեց:
Նա հայտարարեց, թե Լաչինի միջանցքը փակ չէ, եւ ինքը հուսով է՝ կկարողանա իրական վիճակը ներկայացնել ԵԽԽՎ-ին: Նրան հակադարձեց Հայաստանյան պատվիրակության ղեկավարը: Ռուբեն Ռուբինյանը շեշտեց, որ հակառակ Սեիդովի ասածի, ոչ միայն Լաչինի միջանցքը փակ է, այլեւ այնտեղ հասունացել է մարդասիրական ճգնաժամ: Հարցը դրվեց քվեարկության եւ 91 կողմ ձայնով որոշվեց, որ այն կքննարկվի:
Քննարկումը նախատեսված է հունվարի 26-ին: