A
A
Ֆուտզալի Հայաստանի հավաքականը մտավ Աշխարհի առաջնության հաջորդ փուլ
Աջակցիր «Ա1+»-ինՖուտզալի Հայաստանի հավաքականը 2024թ․ աշխարհի առաջնության որակավորման մրցաշարի հիմնական փուլի 4-րդ տուրի խաղում այսօր Երևանում հյուրընկալեց Բոսնիա և Հերցոգովինայի թիմին:
Կարեն Դեմիրճյանի անվան մարզահամերգային համալիրում կայացած հանդիպումն ավարտվեց մեր ընտրանու նվազագույն հաղթանակով՝ 3:2: Հայաստանի հավաքականի կազմում երկու անգամ աչքի ընկավ Մոսկվայի «Դինայի» հարձակվող Վլադիմիր Սանոսյանը, մեկ անգամ՝ Արթուր Մելքոնյանը:
Այդպիսով, ֆուտզալի Հայաստանի հավաքականը չորրորդ անընդմեջ հաղթանակը տարավ որակավորման մրցաշարում, խմբում գրավեց առաջին տեղը և մտավ էլիտ փուլ: Այստեղ 20 հավաքականներ կպայքարեն եզրափակիչ մրցաշարի 7 ուղեգրերի համար: Մեր թիմի առաջիկա մրցակիցները հայտնի կդառնան հունիս ամսին:
