Տեսականորեն հավանական է, որ անկլավների տարբերությունը փոխհատուցվի օկուպացված տարածքների հաշվին․ Ա․Քոչինյան (տեսանյութ)
Աջակցիր «Ա1+»-ին«Առնվազն պետք է ստեղծել կարողություններ, որ եթե արցախահայությունը դուրս գա, ինչպես է Հայաստանը նրանց կարիքները հոգում, բնակչության մշտական վայր դարձնում Հայաստանը, որ այդ մարդիկ գոնե, օրինակ, ՌԴ չարտագաղթեն»,- «Ա1+»-ի հետ զրույցում ասաց «Անվտանգային քաղաքականությունների հետազոտական կենտրոնի» ղեկավար Արեգ Քոչինյանը։
Վերջինիս ներկայացմամբ՝ պետք է պատրաստվել ամենավատ տարբերակներին, որպեսզի ամենավատերի մեջ ամենավատը չստանալ։
Քոչինյանը նաև տեսականորեն հնարավոր համարեց, որ հայկական և ադրբեջանական անկլավների տարբերությունը փոխհատուցվի ՀՀ այն տարածքների հաշվին, որոնք օկուպացրել է Ադրբեջանը։ «Երկու տարածքներն էլ կարևոր են, բայց անկլավների հանձնումն ունի աղետային ռիսկեր, դա կլինի չլավացող վերք»,- հավելեց նա։
Անդրադառնալով Ադրբեջանի կողմից հնարավոր լայնածավալ ագրեսիային՝ ավելի հավանական համարեց հարձակումն Արցախի, և ոչ թե Հայաստանի վրա։
