«Պեˊնդ կացիք, մունք ծըզնըհետնք». Ամերիաբանկի ծրագիրն` ուղղված արցախցիներին

Ամերիաբանկը 100 միլիոն դրամի աջակցություն կտրամադրի Արցախից տեղահանված և Շիրակի մարզի վեց համայնքներում ապաստանած  ընտանիքներին, որը կուղղվի նրանց առաջնային կարիքների բավարարմանը: Այս մասին ասվում է բանկի ֆեյսբուքյան պաշտոնական էջում արված հայտարարության մեջ:

Մասնավորապես, նշվում է.

«Պեˊնդ կացիք, մունք ծըզնըհետնք

Մեր թիմը ստեղծել է աշխատանքային խումբ, որը վաղն ուղևորվելու է Շիրակի մարզ` ծանոթանալու և տեղում գնահատելու մարզի 6 համայնքներում` Անիում, Ախուրյանում, Գյումրիում, Աշոցքում, Ամասիայում և Արթիկում ապաստանած մեր արցախցի հայրենակիցների կարիքները: Որպեսզի մեր աջակցությունը կրի համակարգված և հասցեական բնույթ, մենք առանձնացրել ենք այն ընտանիքները, որոնք այս պահին հատկապես ունեն մեր աջակցության և հոգատարության կարիքը:

• Միակողմանի և երկկողմանի ծնողազուրկ երեխաներ ունեցող ընտանիքներ
• 3 և ավելի անչափահաս երեխաներ ունեցող ընտանիքներ

Շիրակի մարզի վեց համայնքներում ապաստան գտած այս ընտանիքներին կտրամադրվի 𝟏𝟎𝟎 միլիոն դրամի աջակցություն, որը կուղղվի նրանց առաջնային կարիքների բավարարմանը»։