Նա հայտարարել է, որ նոյեմբերի 19-ին 6 ATACMS հրթիռ, իսկ նոյեմբերի 21-ին Storm Shadow համակարգերը հարվածներ են հասցրել Կուրսկի և Բրյանսկի շրջանների թիրախներին։

«Հակամարտությունը գլոբալ բնույթի տարրեր է ձեռք բերում ՌԴ վրա արևմտյան հեռահար հրթիռների հարձակումներից հետո։ Էսկալացիայի դեպքում Ռուսաստանը վճռական և հայելային պատասխան կտա»,- ասել է ՌԴ նախագահը։

«Ռուսաստանն այսուհետ իրեն իրավունք է վերապահում զենք կիրառել այն երկրների թիրախների դեմ, որոնք թույլ են տալիս իրենց զենքն օգտագործել ռուսական թիրախների դեմ»,- նշել է նա։

Պուտինը հավելել է, որ Ռուսաստանն առաջին անգամ հաջող փորձարկել է բալիստիկ հրթիռ, որն ստացել է «Орешник» անունը։ Ըստ նրա՝ «Орешник»-ի օգտագործումը պատասխան է ՌԴ նկատմամբ ՆԱՏՕ-ի երկրների ագրեսիվ գործողությունների։

Մանրամասն՝ տեսանյութում