Վրաստանի վարչապետի թեկնածու Կոբախիձեն հայտնել է կառավարության նոր կազմը
Աջակցիր «Ա1+»-ինՎրաստանի վարչապետի թեկնածու Իրակլի Կոբախիձեն նոյեմբերի 25-ին կայացած ճեպազրույցում ներկայացրել է իր կառավարության կազմը, որին նոր գումարման խորհրդարանն այսօր իր առաջին նիստում պետք է վստահության քվե հայտնի։ «Արմենպրես»-ի փոխանցմամբ՝ այս մասին հաղորդում է «Ինտերֆաքս»-ը:
Կոբախիձեի խոսքով՝ այս կառավարությունում կա երեք նոր նախարար. արտաքին գործերի նախարարի պաշտոնում առաջարկվել է Մայա Բոչորիշվիլին, որը նախկին խորհրդարանում զբաղեցնում էր արտաքին գործերի հանձնաժողովի նախագահի պաշտոնը։ Արդարադատության նախարարի պաշտոնում առաջարկվել է նշանակել Անրի Օհանաշվիլիին, որը խորհրդարանի իրավական հանձնաժողովի նախագահն էր։ Գյուղատնտեսության նախարարի պաշտոնում ներկայացվել է Դավիթ Սոնգուլաշվիլին, որն զբաղեցրել է խորհրդարանական հանձնաժողովի նախագահի պաշտոնը։
Առաջիկա ժամերին պատգամավորները պետք է վստահության քվե հայտնեն Կոբախիձեի գլխավորած կառավարությանը։
