Եվրոպան մեծ հետաքրքրություն ունի, որ հաջորդող տարիներին Հայաստանը կարողանա զարգացնել «Խաղաղության խաչմերուկը». Շտայնմայեր (տեսանյութ)
Աջակցիր «Ա1+»-ինՀայաստանի Հանրապետության նախագահ Վահագն Խաչատուրյանը և Գերմանիայի նախագահ Ֆրանկ-Վալտեր Շտայնմայերը Երևանում տեղի ունեցած հանդիպումների արդյունքներն ամփոփել են զանգվածային լրատվամիջոցների ներկայացուցիչների համար հայտարարություններով և պատասխանել են լրագրողների հարցերին:
Ամբողջ Եվրոպան մեծ հետաքրքրություն ունի, որ Հայաստանը այդ հավակնոտ ծրագիրը՝ «Խաղաղության խաչմերուկը», հաջորդող տարիներին կարողանա զարգացնել. դրանով կստեղծվեն կոմունիկացիաներ, տրանսպորտային կապեր Եվրոպայի և Արևելյան Ասիայի միջև, կմերձենան այս տարածաշրջանները, ճանապարհները կկարճանան, և այս ամենը փոխադարձաբար կապված է: Այս ամեն ինչը կապված է խաղաղության համաձայնագրի և դրա շուտափույթ ստորագրման հետ: Այդ մասին ՀՀ նախագահ Վահագն Խաչատուրյանի հետ համատեղ ասուլիսի ժամանակ հայտարարեց Գերմանիայի նախագահ Ֆրանկ-Վալտեր Շտայնմայերը:
