Սևանի բաժնի համայնքային ոստիկանները հետախուզվողին հայտնաբերեցին օդանավակայանում

Համայնքային ոստիկանության Սևանի բաժնի ծառայողները ձեռնարկած օպերատիվ-հետախուզական միջոցառումների արդյունքում դեկտեմբերի 16-ի գիշերը՝ ժամը 4-ի սահմաններում, «Զվարթնոց» օդանավակայանի մեկնման սրահում հայտնաբերել, ձերբակալել և բաժին են տեղափոխել Վարսեր գյուղի բնակիչ 39-ամյա մի կնոջ, որը հետախուզվում էր դատական ակտը չկատարելու կամ դրա կատարմանը խոչընդոտելու մեղադրանքով. խափանման միջոցը՝ կալանք։ Նա ներկայացվել է վարույթն իրականացնող մարմին։