ԱՄՆ 250-ամյակին նվիրված միջոցառումների շրջանակում ներկայացվել է «Հիմնադիրների թանգարան» նախագիծը
Աջակցիր «Ա1+»-ինԱզատություն-250» հոբելյանական միջոցառումների շարքում ԱՄՆ դեսպանությունը ներկայացնում է «Հիմնադիրների թանգարան» ցուցադրությունը
ք․ Երևան, 21 հունվարի 2026թ․ - ԱՄՆ 250-ամյակին նվիրված «Ազատություն-250» հոբելյանական միջոցառումների շրջանակում, որոնք կշարունակվեն ամբողջ տարվա ընթացքում, ՀՀ-ում ԱՄՆ դեսպանությունը ներկայացնում է «Հիմնադիրների թանգարան» ցուցադրությունը։
Սպիտակ տան կողմից պատրաստած «Հիմնադիրների թանգարան» ցուցադրությունը ներկայացնում է ԱՄՆ անկախությունը կերտած առաջնորդների պատմությունները։ ԱԲ նորարարական տեխնոլոգիաների միջոցով այս ցուցադրությունը վերակերտել է ամերիկյան հեղափոխությունը և պատկերների, կենսագրությունների, պատմական կարևոր իրադարձությունների միջոցով ներկայացնում է ամերիկյան անկախության առաջնորդներին, որոնց շարքում են այն 56 գործիչները, որոնք ստորագրել են Անկախության հռչակագիրը, ինչպես նաև 6 ազդեցիկ հեղափոխական կին գործիչներ։
ԱՄՆ փոխդեսպանի պարտականությունները կատարող Էնդրյու Ջոնսոնը պաշտոնապես բացեց ցուցադրությունը՝ ողջունելով առաջին այցելուներին՝ անգլերենի ուսուցման ACCESS ծրագրի շրջանավարտներին և Երևանի պետական համալսարանի ամերիկագիտության ծրագրի ուսանողներին, որոնք համակ ուշադրությամբ դիտարկեցին ֆիզիկապես առկա ցուցանմուշները և վիրտուալ ցուցադրությունները, որոնք ներկայացնում էին հիմնադիր հայրերին, անկախության շարժման կին գործիչներին և խոշոր պատմական իրադարձությունները։
«Ազատություն-250» հոբելյանական միջոցառումների շարքում տարվա ընթացքում նման նախագծեր կիրականացվեն Հայաստանում գործող բոլոր «Ամերիկյան անկյուններում»։ Դեսպանությունում «Հիմնադիրների թանգարանի» անդրանիկ ցուցադրությանը կհաջորդեն «Ամերիկյան անկյուններ» այցերը, և ամբողջ Հայաստանում մարդիկ հնարավորություն կունենան ավելին իմանալ Միացյալ Նահանգների ակունքների և ժամանակի փորձությունն անցած այնպիսի արժեքների մասին, ինչպիսիք են՝ առաջնորդումը, քաղաքացիական մասնակցությունը և ազատությունը։
