Թրամփն ակնկալում է, որ Իրանը կձգտի համաձայնագրի՝ ԱՄՆ-ի հարվածներից խուսափելու համար
Աջակցիր «Ա1+»-ինԱՄՆ Նախագահ Դոնալդ Թրամփը կարծում է, որ Իրանը կփորձի բանակցել համաձայնագրի շուրջ՝ ամերիկյան ռազմական գործողություններին բախվելու փոխարեն, թեև Վաշինգտոնին ի պատասխան Թեհրանը զգուշացրել էր, որ պատրաստ է «անհապաղ արձագանքելու ցանկացած ագրեսիայի»:
«Կարող եմ ասել հետևյալը՝ նրանք, իսկապես, ցանկանում են գործարք կնքել», - Օվալաձև աշխատասենյակում լրագրողներին ասել է Թրամփը։
Հարցին, թե արդյոք նախագահն Իրանին վերջնաժամկետ է տվել իր միջուկային և հրթիռային ծրագրերի վերաբերյալ բանակցություններ սկսելու համար, Թրամփը պատասխանեց՝ «այո, տվել եմ», բայց հրաժարվեց մանրամասներ հայտնել:
«Մենք ունենք մեծ նավատորմ, որը հենց հիմա շարժվում է դեպի Իրան», - հայտարարեց ԱՄՆ նախագահը՝ նկատի ունենալով Իրանի ափամերձ ջրերում գտնվող ԱՄՆ ռազմածովային նավատորմի խումբը։
«Հուսով եմ՝ մենք կկնքենք համաձայնագիր։ Եթե մենք համաձայնագիր կնքենք, դա լավ է։ Եթե համաձայնագիր չկնքենք, կտեսնենք, թե ինչ կլինի»,- ասաց Թրամփը:
Նյութն ամբողջությամբ՝ այստեղ
