Պուտինը հեռագիր է ուղարկել Իրան

Վլադիմիր Պուտինը ցավակցություն է հայտնել Իրանի Իսլամական Հանրապետության նախագահ Մասուդ Փեզեշքիանին՝ հանրապետության Գերագույն առաջնորդ Սեյեդ Ալի Խամենեիի և նրա ընտանիքի անդամների սպանության կապակցությամբ։ 

Ռուսաստանի ղեկավարի հեռագրում, մասնավորապես, ասվում է.

«Ընդունեք խորին ցավակցություններս Իրանի Իսլամական Հանրապետության Գերագույն առաջնորդ Սեյեդ Ալի Խամենեիի և նրա ընտանիքի անդամների սպանության կապակցությամբ, որն իրականացվել է մարդկային բարոյականության բոլոր նորմերի և միջազգային իրավունքի ցինիկ խախտմամբ։

Մեր երկրում այաթոլլա Խամենեիին կհիշեն որպես ականավոր պետական գործչի, ով հսկայական անձնական ավանդ է ներդրել ռուս-իրանական բարեկամական հարաբերությունների զարգացման և դրանք համապարփակ ռազմավարական գործընկերության մակարդակի բարձրացման գործում։

Խնդրում եմ անկեղծ կարեկցանքի և աջակցության խոսքեր փոխանցել Գերագույն առաջնորդի հարազատներին ու մերձավորներին, կառավարությանը և Իրանի ողջ ժողովրդին»։