Արթուր Սարգսյանը ընտրություններին մասնակցելու է․ Բագրատ արքեպիսկոպոս Գալստանյանի գործով դատական նիստ․ ՈՒՂԻՂ (տեսանյութ)
Աջակցիր «Ա1+»-ինԱԺ դաշնակցական պատգամավոր Արթուր Սարգսյանն այսօր դատարանում հայտարարեց, որ մասնակցելու է առաջիկա խորհրդարանական ընտրություններին' անկախ նրանից որ դատարանը կրկին տնային կալանք է կիրառել որպես խափանման միջոց։
Երեւան քաղաքի ընդհանուր իրավասության դատարանում ընթացող դատական նիստի ընթացքում Արթուր Սարգսյանը հայտարարեց, որ դատարանը ոչ թե իր իրավունքն է սահմանափակել, այլ իր ընտրողների կամքը։ Նա նշեց, որ այսօր է արտահայտվում, քանի որ նախորդ նիստին դատարանը հնարավորություն չի տվել։
«Միգուցե վախենում եք ինձանից, կարիք չկա, դուք վախենում եք իմ ճշմարիտ խոսքից»-ասաց նա:
Արթուր Սարգսյանը մեղադրվում է Բագրատ սրբազանի եւ մյուսների գործով։
Դատական նիստի ընթացքում վատացավ Վահագն Չախալյանի ինքնազգացողությունը: Նրա համար Շտապ օգնություն հրավիրվեց դատարան: Դատավոր Կարեն Ֆարխոյանը տեղեկացրեց, որ ըստ տեղեկանքի, միզաքարային հիվանդություն եւ զարկերակային ճնշում է նշվել: Վահագն Չախալյանին տեղափոխեցին հիվանդանոց:
