ԵՄ խորհուրդն այսօր պաշտոնապես ընդունեց հայկական արտադրանքի համար առևտրի ազատականացման ժամանակավոր միջոցառումներ՝ Ռուսաստանի կողմից վերջերս սահմանված առևտրային սահմանափակումներից հետո Հայաստանի տնտեսությանը աջակցելու համար: Այս միջոցառումները կազատականացնեն ԵՄ-ին հայկական արտահանման մոտ 80%-ը՝ կասեցնելով ապրանքների լայն շրջանակի, այդ թվում՝ որոշակի գյուղատնտեսական ապրանքների ներմուծման մաքսատուրքերը: Այս ժամանակավոր արտոնյալ կարգավորումը կգործի երկու տարի ժամկետով: Այդ մասին հայտնում են ԵՄ-ից։

 

Այս ժամանակավոր միջոցառումները կնպաստեն Հայաստանից ԵՄ առևտրային հոսքերի աջակցմանը և ամրապնդմանը՝ համաձայն Համապարփակ և ընդլայնված գործընկերության համաձայնագրի (CEPA) նպատակների: Արտոնյալ կարգավորումը գալիս է որոշակի պայմաններով և ներառում է պաշտպանիչ միջոցառումներ՝ ԵՄ շուկան պաշտպանելու համար, եթե ներմուծումը բացասաբար է անդրադառնում ԵՄ արտադրողների վրա:

Օրենսդրական փաթեթին արդեն աջակցել էր նաև Եվրոպական խորհրդարանը։ Խորհրդի կողմից ընդունումից հետո փաստաթուղթը կստորագրվի, կհրապարակվի ԵՄ Պաշտոնական տեղեկագրում և դրանից հետո կմտնի ուժի մեջ։