A
A
Մուբարաքը հոսպիտալից բանտ է տեղափոխվել
Եգիպտոսի նախկին նախագահ Հոսնի Մուբարաքին զինվորական հոսպիտալից նորից տեղափոխել են բանտ։ Այդ որոշումը կայացրել է Կահիրեի դատախազությունը՝ ելնելով բժիշկների եզրակացությունից, թե Մուբարաքի առողջական վիճակը կայունացել է։
Հոսնի Մուբարաքին բանտից զինվորական հոսպիտալ էին տեղափոխել 2012-ի հունիսի 19-ին, երբ նա սրտի կաթված էր ստացել։
ԶԼՄ-ներն այդ ժամանակ լուրեր էին տարածել, թե Մուբարաքը կլինիկական մահ է տարել, որը սակայն հերքեցին բանտարկյալի հարազատները։
Հիշեցնենք, որ 2012-ի հունիսի 12-ին Մուբարաքը դատապարտվել է ցմահ բանտարկության՝ 2011-ի բողոքի ցույցերը դաժանորեն ճնշելու որոշում կայացնելու համար։ Դատավճիռը լսելուց հետո նախկին նախագահի առողջական վիճակը կտրուկ վատացել էր։
