Իրանում ծեծել են 2 լրագրողների
Իրանական IRNA և ISNA լրատվական գործակալություններում աշխատող երկու լրագրող աղջիկներ, Համադան քաղաքում ենթարկվել են բռնության՝ աշխատանքային պարտականությունները կատարելու ժամանակ։ Այս մասին տեղեկացնում է Salamnews-ը։
Լրագրողները մեկնել են Համադան՝ տեղի հանրահավաքը լուսաբանելու համար, որը տեղի է ունեցել հեռահաղորդակցության ընկերության շենքի մոտ։
Ընկերության անվտանգության աշխատակիցները բռնի ուժով աղջիկներին տարել են ծառայության պետի աշխատասենյակ, որտեղ խլելով նրանց բջջային հեռախոսներն ու գլխաշորերը՝ ծեծի են ենթարկել ու մոտ 3 ժամ հարցաքննել են նրանց։
Հեռահաղորդակցության ընկերության ղեկավարությունը փաստի առթիվ դեռևս պաշտոնական հայտարարություն չի արել։
Լրագրողները պահաջում են, որ ընկերությունը պաշտոնապես ներողություն խնդրի իրենցից, ինչպես նաև հետաքննություն անցկացվի ու մեղավորները պատժվեն։
