Առևտրի կետերում կիրականացնեն մոնիտորինգ
Տնտեսական մրցակցության պաշտպանության պետական հանձնաժողովը շարունակում է դեռևս նախորդ տարվանից սկսված մարզային այցերը: Հուլիսի 24-ին աշխատանքային խումբը կլինի Վանաձոր քաղաքում, իսկ հուլիսի 25-ին` Աշտարակում:
Միջոցառմանը ներկա կլինի Լոռու մարզպետ Արթուր Նալբանդյանը, ինչպես նաև նախատեսվում է Արագածոտնի մարզպետ Սարգիս Սահակյանի մասնակցությունը: Մարզային այցելությունների ժամանակ ՏՄՊՊՀ կազմում կլինեն Հանձնաժողովի նախագահ Արտակ Շաբոյանը, հանձնաժողովի անդամներ և աշխատակիցներ:
Հանձնաժողովի մասնագետները շրջայց կկատարեն Վանաձորում և Աշտարակում՝ ծանոթանալու սպառողական շուկայում տիրող իրավիճակին:
Փորձագետները խոշոր առևտրի կետերում կիրականացնեն մոնիտորինգ, կտեղեկանան սպառողների խնդիրներին և կուսումնասիրեն՝ արդյոք առկա են օրենքի հնարավոր խախտումներ, թե՝ ոչ:
Օրենքի խախտումների դեպքում ՏՄՊՊՀ մասնագետները կձեռնարկեն համապատասխան միջոցներ:
Այս մասին հայտնում է Հանձնաժողովի մամլո ծառայությունը։
