Ավտովթար Հրազդան-Հանքավան ճանապարհին
Հուլիսի 24-ին, ժամը 01.25-ին Հրազդան-Հանքավան ճանապարհի 30-րդ կմ-ի մոտակայքում տեղի է ունեցել ավտոպատահար, կան տուժածներ, անհրաժեշտ է փրկարարների օգնությունը:
ԱԻՆ լրատվականի փոխանցմամբ, դեպքի վայր է մեկնել Կոտայքի մարզային փրկարարական ջոկատը։
Դեռևս չբացահայտված հանգամանքներում` «Մերսեդես» մակիշի ավտոմեքենան դուրս է եկել ճանապարհի երթևեկելի մասից և շրջվել Մարմարիկ գետը:
Նախքան փրկարարների ժամանումը՝ Աբովյանի բնակիչ, 1983 թ. ծնված Հակոբ Դովլաթյանը, Կոտայքի մարզի Վերին Պտղնի գյուղի բնակիչ, 1978 թ. ծնված Զարիկ Թորոսյանը և Երևանի բնակիչ, 1986 թ. ծնված Աղաս Մկրտչյանը տարբեր մարմնական վնասվածքներով տեղափոխվել են Հրազդանի հիվանդանոց:
Հիվանդանոցի ճանապարհին Զ. Թորոսյանը մահացել է:
Ըստ բժիշկների` Հ. Դովլաթյանի առողջական վիճակը ծանր է, իսկ Ա. Մկրտչյանինը` միջին ծանրության:
