Մեքենաները՝ գերի
Դեկտեմբերի 20-ին, ժամը 21.30-ին Սիսիան-Գորիս ավտոճանապարհի 18-րդ կմ-ում «Սպայկա» ընկերությանը պատկանող «Իվեկո» մակնիշի 269 ԼՍ 67 պ/հ բեռնատար ավտոմեքենան դուրս է եկել ճանապարհի երթևեկելի մասից և արգելափակվել:
Դեպքի վայր են մեկնել մեկ մարտական հաշվարկ և մարզային փրկարար ջոկատի օպերատիվ խումբը:
Հրշեջ-փրկարարների օգնությամբ բեռնատարը դուրս է բերվել ճանապարհի երթևեկելի հատված:
***
Դեկտեմբերի 21-ին, ժամը 00.27-ին ահազանգ է ստացվել, որ Շիրակի մարզի Գյումրիի «Մայր Հայաստան» հուշարձանի մոտ ավտոմեքենան մերկասառույցի հետևանքով դուրս է եկել ճանապարհի երթևեկելի հատվածից և արգելափակվել:
Դեպքի վայր մեկնած փրկարարները երթևեկելի մաս են դուրս բերել «ԳԱԶ-3102» մակնիշի 77 LS 577 պ/հ (վարորդ` Վ. Իգիթյան) ավտոմեքենան:
Տուժածներ չկան:
***
Նույն օրը, ժամը 02.41-ին ահազանգ է ստացվել, որ Սպիտակ-Ապարան ավտոճանապարհին՝ Ջրաշեն գյուղի մոտ, ավտոմեքենաները մերկասառույցի պատճառով չեն կարողանում տեղաշարժվել:
Դեպքի վայր մեկնած հրշեջ-փրկարարները արգելափակումից դուրս են բերել 6 ավտոմեքենա, երթևեկությունը վերականգնվել է:
Այս մասին հայտնում է ԱԻՆ-ը։
