Մարդիկ մնացել են առանց ջեռուցման
Սիսիանի Գայի 1-ին եւ 2-րդ փողոցների ավելի քան 12 առանձնատների բնակիչների տեխնիկական միջոցները շարքից դուրս են եկել:
Փոխված էլեկտրասյան մոտ մնացած նախկին հենասյունը կոտրվել եւ ընկել է էլեկտրական լարերի վրա` առաջացնելով կարճ միացում, բնակիչների տեսակետն է:
«Հենասյունը, որ գտնվում է Գրետայի հողամասում, դիտավորյալ են կտրել»,- նշում է «Սիսիան» էլցանցի գլխավոր ճարտարապետ Դավիթ Դավթյանը:
Թաղամասի բնակիչները համակարգիչների փչանալը առաջնային չեն համարում:
Քանի որ ձմռան ցուրտ օրեր են, առավել կարեւորվում է ջեռուցման կաթսաների նորոգման հարցը:
Գայի 2 թաղամասի բնակիչները կատարվածի մասին գրավոր տեղեկացրել են Սիսիանի էլցանցին, այնտեղ խոստացել են ուսումնասիրել առաջացած վթարի պատճառները, այնուհետեւ հստակեցնել բնակչությանը հասցված վնասի չափը:
«Կապանից Սիսիան է հրավիրվել մասնագիտական խումբ: Բնակիչների տեխնիկան համապատասխան մասնագետները կնորոգեն»,- տեղեկացնում է Դավիթ Դավթյանը:
Արմեն Հովակիմյան
Սիսիան
