A
A
Արազ Օզբիլիսը տեղափոխվեց Մոսկվա
Հայաստանի հավաքականի եւ Կրասնոդարի «Կուբանի» կիսապաշտպան Արազ Օզբիլիսը ելույթները կշարունակի Մոսկվայի «Սպարտակում»: Այդ մասին տեղեկացնում է ռուսական «Սպորտ Էքսպրես» օրաթերթի կայքէջը:
Ըստ լրատվամիջոցի հայազգի ֆուտբոլիստն այսօր 5 տարվա պայմանագիր է կնքել «Սպարտակի» հետ: Ըստ որոշ աղբյուրների մոսկովյան ակումբը այդ տեղափոխության համար կվճարի 6-10 մլն եվրո փոխհատուցում:
Արազ Օզբիլիսը «Կուբանում» հանդես էր գալիս 2012 թվականի ամռանից: Նա ՌԴ առաջնությունում անցկացրած 26 խաղում դարձել է 11 գոլի հեղինակ:
