Օդի ջերմաստիճանը 20-ի ցերեկը կնվազի 4-5 աստիճանով
Հանրապետության տարածքում`
Մարտի 20-22-ին, 23-ին գիշերվա առաջին կեսին, 24-ի ցերեկը ժամանակ առ ժամանակ սպասվում են տեղումներ, 20-ին և 22-ին առանձին հատվածներում հնարավոր է ամպրոպ:
23-ի ցերեկը, 24-ի գիշերը սպասվում է առանց տեղումների եղանակ:
Քամին` հարավ-արևմտյան 3-8մ/վրկ, առանձին վայրերում սպասվում է քամու ուժգնացում՝ 15-20մ/վրկ. արագությամբ:
Օդի ջերմաստիճանը 20-ի ցերեկը կնվազի 4-5 աստիճանով, 21-ի ցերեկը նույնքան կբարձրանա, 22-ի ցերեկը և 23-ի գիշերը կնվազի 4-6 աստիճանով:
Երևանում՝
Մարտի 20-22-ին, 23-ին գիշերվա առաջին կեսին, 24-ի ցերեկը ժամանակ առ ժամանակ սպասվում են տեղումներ, հնարավոր է ամպրոպ:
23-ի ցերեկը, 24-ի գիշերը սպասվում է առանց տեղումների եղանակ:
Հիշեցնենք.
Մարտի 19-ի գիշերը Արարատյան դաշտում և նրա նախալեռներում, Տավուշի և
Սյունիքի հովիտներում ամպամածության նոսրացման դեպքում հնարավոր է օդի
ջերմաստիճանի անկում օդում մինչև 00C, իսկ հողի մակերևույթին -1…-20C
Ծիրանի ծաղկման կանխատեսում
2015թ. մարտի 18-ի դրությամբ Արարատյան դաշտի հարավ-արևմտյան կեսում ծիրանենու բողբոջները 20-25%-ով բացվել են (վաղահաս տեսակներ, փակ տարածքներ, անբավարար խոնավություն), հյուսիս- արևմտյան կեսում այն դեռ գտնվում է լավ ուռչած փուլում:
Հաշվի առնելով կանխատեսվող եղանակը և սպասվելիք ցածր ջերմաստիճանները ենթադրվում է, որ մարտի 19-ի դրությամբ ծաղկած կլինի ծիրանենու մինչև 35%-ը, իսկ մասսայական ծաղկումը սպասվում է մարտի 20-24-ը:
Կախված բացասական ջերմաստիճանի տևողությունից ՝ ուռչած և թույլ բացված բողբոջները դիմանում են -1,1…-5.60C, լրիվ ծաղկած ծառը՝ -0,6…-2,80C ջերմաստիճանին:
