A
A
Կառավարության խոստումները`օդում. մարդիկ մնացել են անտուն (տեսանյութ)
Կառավարության շենքի դիմաց բողոքի ակցիա իրականացնող՝ Հանրապետության 33 թաղամասի բնակիչներին այսօր կրկին կընդունի վարչապետ Հովիկ Աբրահամյանը։ Նախորդ հանդիպման ժամանակ վարչապետը խոստացել էր, որ մինչեւ հուլիսի 1-ը, ովքեր բնակարան կամ համարժեք փոխհատուցում են ուզում, պայմանագրեր կկնքվեն, սակայն այսօր գործադիր մարմնի շենքի մոտ հավաքվածները նշում են, որ որեւէ քայլ այդ ուղղությամբ չի կատարվել։ Բնակիչները նշում են, որ արդեն 6 տարի է՝ հայտնվել են փողոցում եւ նույնիսկ նորմալ չեն փոխհատուցվում իրենց տան վարձերը։ Կառավարության շենքի մոտ են նաեւ Այնթափում գազի արտահոսքից սեփական տունը կորցրած Պետրոսյան ընտանիքի անդամները։ Նրանք եւս արդեն 2 տարի ապրում են վարձով, սակայն «Հայռուսգազարդը» դեռ չի փոխհատուցել նրանց վնասները։
