Կ. Գուլոյանի խոստումից հետո գողթեցիները բացեցին ճանապարհը (տեսանյութ)
14.45 Գողթի գյուղապետ Արտավազդ Հակոբյանը գյուղացիներին խնդրեց բացել ճանապարհը եւ խոստացավ, որ մինչեւ հարցի վերջնական լուծումը Գեղարդալճի մոտ շինարարական աշխատանքները չեն վերսկսվի: Գյուղացիները պահանջեցին կապ հաստատել Կոտայքի մարզպետ Կարապետ Գուլոյանի հետ: Հեռախոսով Գուլոյանը հաստատեց գյուղապետի ասածը: Գողթեցիները բացեցին Գողթ-Երեւան ճանապարհը: 12. 09 Գողթ համայնքի բնակիչները այս պահին կրկին փակել են Գողթ-Գեղարդավանք ճանապարհը: Նրանք նշում են, որ պայմանավորված ժամին աշխատանքային խումբը չի ժամանել համայնք, եւ իրենք փակել են ճանապարհը: 11. 53 Կոտայքի մարզի Գողթ համայնքի բնակիչները մինչեւ ժամը 12.00-ը կսպասեն աշխատանքային խմբին՝ հանրային քննարկում կազմակերպելու համար: «Եթե չեկան 12.01 րոպեին, կրկին կփակենք ճանապարհը»,- «Ա1+»-ին ասաց համայնքի բնակիչ Վահրամ Սեդրակյանը: Հիշեցնենք, որ հունիսի 3-ին Կոտայքի մարզի Գողթ համայնքի բնակիչները փակել էին Գողթ-Գեղարդ ճանապարհը: Նրանք պահանջում են չեղարկել ծրագիրը, ըստ որի Գեղարդալճի ջուրը ինքնահոս ոռոգման համակարգով պետք է տեղափոխվի Կոտայքի մարզի Ձորաղբյուր, Ողջաբերդ, Գեղադիր, Ջրվեժ եւ Հացավան համայնքներ: Ի դեպ, բնակիչները պահանջում են նաեւ, որ հանրային քննարկումը կազմակերպվի փողոցում, որպեսզի բոլորը մասնակցեն: Լուսանկարը՝ նախորդ ակցիային
