Վալերի Պերմյակովի համար դատախազը ցմահ ազատազրկում է պահանջել (տեսանյութ)
Ավետիսյանների ընտանիքի դաժան սպանության մեջ մեղադրվող ռուս զինծառայող Վալերի Պերմյակովի գործով տուժողների իրավահաջորդների շահերի ներկայացուցիչները լքեցին դատական նիստերի դահլիճը Նրանց այս քայլին դրդեց դատավորի կողմից իրենց միջնորդության մերժումը՝ դատական նիստը 2-3 շաբաթով հետաձգելու վերաբերյալ։ Տուժողները ռուսական կողմին ներկայացրած փոխհատուցման վերաբերյալ քաղհայցի գործով դիմել էին Վճռաբեկ դատարան, և անհրաժեշտ է ժամանակ` հետագա քայլերը հստակեցնելու համար: Փաստաբանների հեռանալուց հետո՝ սկսվեց դատական վիճաբանությունների փուլը ։ Մեղադրող դատախազ Գևորգ Գևորգյանը միջնորդեց Վալերի Պերմյակովին մեղավոր ճանաչել Ավետիսյանների յոթ հոգանոց ընտանիքի սպանության մեջ եւ նրան դատապարտել ցմահ ազատազրկման: Հաջորդ դատական նիստին ճառով հանդես կգա պաշտպանական կողմը:
