A
A
«Սասնա ծռեր»-ի 2 անդամի տեղափոխել են քաղաքացիական հիվանդանոց
«Սասնա ծռեր» խմբի անդամ Արամ Մանուկյանին եւ Աշոտ Պետրոսյանին «Դատապարտյալների հիվանդանոց» ՔԿՀ-ից տեղափոխել են «Էրեբունի» բժշկական կենտրոն:
Ինչպես «Ա1+»-ին հայտնեց պաշտպան Ինեսա Պետրոսյանը, նրանք ոտքի վիրահատության պետք է ենթարկվեն. վիրահատությունները պետք է սկսեն այսօրվանից:
Հիշեցնենք, որ Արամ Մանուկյանին եւ Աշոտ Պետրոսյանին մեղադրանք է առաջադրվել շենքեր, շինություններ, տրանսպորտի, հաղորդակցության կամ կապի միջոցներ զավթելու եւ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելու հոդվածով:
«Սասնա ծռերի» երկու անդամն ՊՊԾ գնդում հրազենային վիրավորում են ստացել ոտքերից։
