Կարեն Գրիգորյան. «Եկեղեցու վրի խաչը չեն ֆայմում թողնել»
«Մինչեւ էդ քանի հոգի խմած են եղել, որ շտաբի վրա են գնացել, ինչեր են շպրտել շտաբների վրա, մենք սաղ էդ լուռումունջ հանգիստ տանում ենք: Էդ պորովոկացիաներ են, որոնք իրենք տիրապետում են»,-Էջմիածնի քաղաքապետի ընտրություններում մրցակից թեկնածու պայքարի մեթոդների մասին այսօր «Ա1+»-ին տեղեկացրեց թեկնածու Կարեն Գրիգորյանը: Նա տեղյակ է, որ մրցակից թեկնածու Արթուր Թումանյանը, որին վերագրվում է երեկ երեկոյան Կարեն Գրիգորյանի ավտոմեքենայի վրա կրակելու փաստը , վնասվածքներով հիվանդանոցում է: Սակայն, ըստ գեներալ Մանվել Գրիգորյանի որդու, դա պատճառ չէ, որ ընտրությունները չեղյալ համարվեն: «Իրենց նպատակը էդ է, ես գիտեմ, որ ես հաղթում եմ: Ես վստահ եմ: Թող ընտրություն լինի, թող ժողովուրդը հակառակն անի: Նպատակն ընդհանրապես էությունը փչացնելն է էս ամենի, ամեն ինչը հակառակ խնդիր տանելն ա: Եթե ինստիտուցիոնալ ես անում՝ քաղաքապետ, քաղաքապետարան: Առանց ավագանու գնալ ընտրության... Ծրագիր պիտի անես: Գոնե ծրագիրը մի հատ ներկայացնեն: Կխնդրեի իրանց բուկլետը վեր կալեք տենաք, գոնե ծննդյան թիվը, ամիս ամսաթիվը գրա՞ծ ա էդ մարդու: Ասենք, իմ ձեռը մի անգամ ընգել ա, եկեղեցու վրի խաչը չեն ֆայմում թողնել, որ մնա: Էջմիածնի սրբությունը գոնե մնա: Մայր Աթոռը կա, Խաչը չկա: Եթե դու գնում ես հաղթանակի կամ վստահ ես ուժերիդ ու առանց ավագանի ես գնում: Դե ի սկզբանե ասեք, որ մարդն ուզում է իշխանափոխություն»,-ասաց Կարեն Գրիգորյանը:
