Ժառանգությունը պատրաստ է համագործակցել Սեյրան Օհանյանի հետ՝ պայմանով (տեսանյութ)
Պաշտպանության նախկին նախարար Սեյրան Օհանյանը այն գործիչներից է, ում հետ «Ժառանգություն»-ը պատրաստ է ճանապարհ անցնել: Համագործակցության համար անհրաժեշտ է համաձայնություն երկու հարցում։ «Դա Հայաստանի ինքնիշխանության եւ արմատական բարեփոխումները կյանքի կոչելն է, որոնք կարող են տեղի ունենալ, եթե երկրում տեղի ունենա իշխանափոխություն: Այս իշխանությունների օրոք նման քայլի սպասելը, ուղղակի հեքիաթների ժանրից է»,- այսօր հայտարարեց «Ժառանգության փոխնախագահ Արմեն Մարտիրոսյանը: Ժառանգությունն ակտիվ քննարկումների մեջ է եւ առաջիկայում պարզ կդառնա կմտնի դաշինքի մեջ, թե միայնակ կմասնակցի ընտրություններին. «Խնդիր ենք դրել այդ երկու հարցերը լուծելը եւ ոչ թե խորհրդարանում ներկա գտնվելը: Խորհրդարանում ներկա գտնվելու համար Ժառանգությունը ոչ որեւէ մեկի հետ կքննարկեր հարցերը, ոչ շփումներ կունենար, այլ միայնակ կմասնակցեր»: Խորհրդարանական ընտրություններին ընդդիմադիր օրակարգով հայտ է ներկայացրել ԱԺ-ում Սերժ Սարգսյանի ներկայացուցիչ Վիկտոր Դալլաքյանը, որը չի բացառում Սեյրան Օհանյանի համագործակցությունը։ Առայժմ Ժառանգությունում չի քննարկվել Վիկտոր Դալլաքյանի հետ համագործակցության ձեւաչափը։ Մանրամասները՝ տեսանյութում:
