Բացել լրահոսը Փակել լրահոսը
A A

ՀՀԿ-ն պատրաստ է քննարկել ԱԺ ընտրությունների օրը փոխելու հարցը (տեսանյութ)

Կարևոր լուրեր Քաղաքականություն
sharmazanov

ՀՀԿ նիստից հետո, կուսակցության մամլո խոսնակ Էդուարդ Շարմազանովը տեղեկացրեց լրագրողներին  ՀՀԿ նոր խորհուրդ ընտրելու մասին, որին անդամակցել են 35 նոր ներկայացուցիչներ: Ընտրվել են  ՀՀԿ կուսակցության նախագահի տեղակալներ: Առաջին տեղակալ է ընտրվել վարչապետ Կարեն Կարապետյանը՝ փոխարինելով Հովիկ Աբրահամյանին: ՀՀԿ կուսակցության նախագահի տեղակալներ են ընտրվել՝ Մուշեղ Լալայանը, Գալուստ Սահակյանը և Արմեն Աշոտյանը: Էդ. Շարմազանովը նաև տեղեկացրեց, որ ՀՀԿ համագումարը որոշել է կանոնադրական փոփոխությունների վերաբերյալ հիմնել նաև ավագների խորհուրդ, որը ղեկավարելու է Գալուստ Սահակյանը: Այսօր ընտրել են նաև  ստորաբաժանումների ղեկավարներին: Երևանի Հանրապետական կառույցի ղեկավար է ընտրվել քաղաքապետ Տարոն Մարգարյանը: Կանանց խորհրդի նախագահը Հերմինե Նաղդալյանն է, իսկ երիտթևի ղեկավար է վերընտրվել Կարեն Ավագյանը:

Ընտրությունները ապրիլի 2-ին անցկացնելու վիճահարույց հարցի մասին Շարմազանովն ասաց, որ ՀՀԿ-ն պատրաստ է քաղաքական ուժերի հետ քննարկել ընտրությունների օրը վերանայելու հարցը:

Շատ իրավաբաններ ասել են, որ ապրիլի 2-ին ընտրության օր նշանակելը չի հակասում ՀՀ Սահմանադրությանը և Ընտրական օրենսգրքին,- հայտարարեց Էդուարդ Շարմազանովն՝ ավելացնելով. «Բայց մեր կարծիքը հետևյալն է՝ այո, մենք գտնում ենք, որ ապրիլի երկուսը ազգային համախմբման,  ազգային միասնության, մեր հերոս տղաների հիշատակի օրն է, ինչու չէ, նաև այս մեկ տարվա ընթացքում բանակաշինության ոլորտում ձեռքբերումների մեկ ամյակը կարող է լինել և եթե բոլոր քաղաքական դերակատարողները գան քաղաքական պայմանավորվածության, ապա ՀՀԿ-ն այստեղ որևէ քաղաքկան խոչընդոտ չի տեսնում: Մենք պատրաստ ենք բոլոր քաղաքական ուժերի հետ քննարկելու այս հարցը»,- հայտարարեց նա։
  Մանրամասները՝ տեսանյութում