«Ժողովուրդը չի մոռացել երանելի տարիները». Կոմկուսի շտաբը նիստ անցկացրեց
Հայաստանի կոմունիստական կուսակցությունը մի քանի օրից կհրապարակի իր նախընտրական ծրագիրը։ Կուսակցության նախընտրական կենտրոնական շտաբն այսօր հրավիրել էր իր առաջին նիստը, որտեղ քննարկվել են առաջիկա ծրագրերն ու քայլերը։ «Ա1+»-ի հետ զրույցում Կոմկուսի առաջին քարտուղար Տաճատ Սարգսյանը նշեց, որ նախընտրական քարոզարշավը սկսելու են մարտի 5-ին՝ Իջևանից։ «Մեր կարգախոսն է՝ «Հայրենիք, աշխատանք, սոցիալիզմ»։ Բոլորիս քաջ հայտնի է, որ Հանրապետությունում սոցիալական ծանր վիճակ է՝ աղքատություն, արտագաղթ, կոռուպցիա և այլն։ Այդ բոլորի պատճառը նաև այն է, որ մարդիկ չունեն աշխատանք։ Եթե գնանք Ազգային ժողով, մեր խնդիրը պետք է լինի մարդկանց աշխատանքով ապահովել, իսկ դրա համար պետք է զարկ տալ արդյունաբերությանը, տնտեսությանը»,-ասաց Սարգսյանը։ Նա հավելեց, որ օրեցօր շատանում է Կոմկուսի ընտրազանգվածը. «Որովհետև ժողովուրդը չի մոռացել այն երանելի տարիները։ Որքան էլ երիտասարդները մեզնում քիչ են, այնուամենայնիվ, ակաջալուր են իրենց ծնողների, ավագների խոսքերին»։
