«Ընտրական օրացույց»՝ մարտի 3-ից. «Ա1+»-ի նոր նախագիծը (տեսանյութ)
2017թ ԱԺ ընտրություններից 30 օր առաջ թերթենք խորհրդարանական նախորդ ընտրությունների էջերը։ «Ա1+»-ն առաջարկում է բացառիկ հնարավորություն՝ վերհիշել 1995թ. 1999թ, 2003թ. 2007 թ եւ 2012թ նախընտրական, ընտրական եւ հետընտրական էջերը «Ընտրական օրացույց»-ի միջոցով։ Մարտի 3-ից սկսած 33 օրագիր՝ նախորդ ընտրությունների վերաբերյալ։ Ովքե՞ր էին հիմնական խաղացողները, ինչպե՞ս էին քարոշարշավ իրականացնում, ովքե՞ր են խախտումներ իրականացնողները, եւ ընդհանրապես՝ ինչպիսին էր ընտրական մթնոլորտը։ Նախկին եւ ներկա դեմքերը՝ անցյալի եւ ներկայի խաչմերուկում։ «Ա1+»-ն առաջարկում է՝ վերհիշել, քննարկել եւ համեմատել։ Մարտի 3-ից սկսած «Ընտրական օրացույց» , որը կարող եք դիտել «Ա1+»-ի կայքում եւ «Արմնյուզ» ՀԸ «Այբ-ֆե+» հաղորդաշարի ժամանակ՝ ժամը 21.00-ին։
