«ՀՅԴ-ն ընտրակաշառք չի բաժանել եւ չի բաժանելու»
27 տարի է՝ ՀՅԴ-ական եմ,- հպարտանում է Կարեն Շահազիզյանը, որը տարածքային ցուցակով առաջադրվել է Արագածոտնի մարզում։ Այս ընտրատարածքում ՀՅԴ-ն առաջադրել է 7 թեկնածու։ «Ես ՝ տոհմիկ դաշնակցական գերդաստանից եմ. գերդաստանիս բոլոր չափահաս անդամները, անխտիր, 37թ-ին ենթարկվել են գնդակահարության»,- պատմում է պարոն Շահազիզյանը, որը 90թ եղել է Աշտարակի քաղաքային խորհրդի պատգամավոր . ապա երկու անգամ ընտրվել ավագանու անդամ ։ Նրա խոսքով՝ Արգածոտնի մարզում կան խնդիրներ, որոնք հենց Ազգային ժողովի լուծելիքն է , եւ ինքը գնում է խորհրդարան՝ դրանք բարձրացնելու նպատակով։ «Թող վերամբարձ չլսվի՝ իմ տեսակը պայքարող է, չհանդուրժող, չխոնարհվող ,իսկ ապրածս կյանքը զուր չեմ անցկացրել, որն էլ հենց դա է ասում: Երբևէ անձնական նկրտումնեից ելնելով՝ չեմ ընդգրկվել որոշ պատեհապաշտ կուսակցությունների շարքերը , այլ ընտրել եմ Ազգայինի ճանապարհը, վեհը: Դաշնակցությունը, կարծում եմ , ամեն մի հայի սրտի անկյունում է նստած»,- թեկնածուն բացատրում է՝ ինչու հենց իրեն պետք է ընտրել։ Իսկ ինչպե՞ս է նա իրականացնելու իր նախընտրական քարոզարշավը։ «Մասնակցելու եմ բավականին ակտիվ և համարձակ հաղթողի հոգեբանությամբ՝ օրենքի տարրին համապատասխան:Պատրաստ եմ ազգաբնակչության հետ հանդիպումների ՝թե քաղաքական դեբատների, թե՝ հրապարակավ բանավեճերի մարզիս յուրաքանչյուր տարածքում. իսկ ընտրակաշառք իմ կուսակցությունը երբեք չի բաժանել և չի բաժանելու, որը հաստատելու կամ հարցին անրադառնալու կարիք անգամ չեմ տեսնում»,- ասաց նա։
