A
A
Երեխաներն ընկել են վերելակի հորանը.մեկի վիճակը ծանր է (տեսանյութ)
Մայիսի 30-ին, ժամը 18:37-ին տեղեկություն է ստացվել, որ երեխան ընկել է Լոռու մարզի Վանաձոր քաղաքի Աղայան փողոցի թիվ 74/1 շենքի վերելակի հորանը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Մինչ փրկարարների՝ կանչի վայր հասնելը՝ 2003 թ. ծնված Լ. Զ.-ը դուրս է բերվել հորանից, իսկ 2003 թ. ծնված Վ. Ա.-ը՝ վերելակի խցիկից: Տուժածները հոսպիտալացվել են Վանաձոր քաղաքի ԲԿ, որտեղ բժիշկները Լ. Զ.-ի առողջական վիճակը գնահատել են ծանր, իսկ Վ. Ա.-ը ստանալով համապատասխան բուժօգնություն՝ դուրս է գրվել:
Փորձաքննություն իրականացնելու նպատակով դեպքի վայրում է գտնվել «ՏԱԱԿ» ՊՈԱԿ-ի Լոռու մարզի տեխնիկական անվտանգության փորձաքննության բաժնի պետը:
................
Վանաձորի ԲԿ-ի վնասվածքաբան օրթոպեդ Ռուբեն Հակոբյանի խոսքերով վերելակի հորն են ընկել երկու անչափահաս աղջիկներ: Նրանցից մեկը 14 տարեկան՝ թեթև վնասվածք է ստացել, և առաջին բուժօգնությունն ստանալուց հետո գնացել է տուն: Իսկ մյուսը՝ կրկին 14 տարեկան գտնվում է շատ ծանր վիճակում:
Մանրամասն՝ Լոռի ՀԸ տեսանյութում
