Լոնդոնի օդանավակայանը փակվել է ռումբի պատճառով
Մեծ Բրիտանիայի մայրաքաղաքի հինգերորդ ամենախոշոր օդանավակայանը՝ «Լոնդոն Սիթի»-ն, անվտանգության նկատառումներով ժամանակավորապես փակվել է՝ Թեմզա գետում գտնված Երկրորդ համաշխարհային պատերազմի տարիների չգործարկված ռումբի պատճառով։ Օդանավակայանը փակված կլինի ամբողջ օրը, և բոլոր թռիչքները կչեղարկվեն՝ խախտելով 16.000 ուղևորների հանգիստը: Մանչեստրի ոստիկանության տվյալներով ՝ ռումբը հայտնաբերվել է Ջորջ V նավահանգստի մոտ, կիրակի ժամը 05:00-ի սահմաններում, Արևմտյան Լոնդոնի նավահանգստի նախապատրաստական աշխատանքների ընթացքում: Օդանավակայանը փակվել է 22:00-ին։ Մանչեստրի ոստիկանությունը հայտնեց, որ այն համագործակցում էր Արքայական նավատորմի հետ խնդիրը լուծելու համար: Ուղևորներին հրահանգվել է կապվել իրենց ավիաընկերության հետ և չօգտվել օդանավակայանի ծառայություններից, քանի որ տերմինալը փակ է: Ռոբերտ Սինքլերը՝ օդանավակայանի գլխավոր տնօրենը, ներողություն է խնդրել և ասել«Ես գիտակցում եմ, որ սա մեծ անհարմարություն է պատճառում ուղևորներին և, հատկապես, մեր քաղաքացիներին»: « Օդանավակայանը համագործակցում է Մանչեստրի ոստիկանության և Արքայական նավատորմի հետ և անում է ամեն ինչ՝ հնարավորինս ապահով կերպով վերացնելու խնդիրը և լուծելու իրավիճակը հնարավորինս արագ»: «Մենք շնորհակալ ենք բոլորին իրենց համբերատարության և համագործակցության համար»: Ոստիկանությունը հայտնել է, որ մի շարք ճանապարհային գոտիներ արդեն կարգավորված են և խորհուրդ է տվել վարորդներին խուսափել այդ տարածքից:
